Një aeroplan transportues rus është rrëzuar në Siri të martën, duke vrarë të 32 udhëtarët në bord, kanë bërë me dije agjencitë ruse të lajmeve duke u thirrur në burime nga Ministria ruse e Mbrojtjes, raporton Reuters.
Ministria është cituar të ketë thënë se aeroplani është rrëzuar në bazën ajrore ruse Hmeymim në Provincën Latakia dhe se informacionet e para thonë se rrëzimi i tij mund të jetë shkaktuar si pasojë e një problemi teknik. Është cituar të ketë thënë po ashtu se në të kanë qenë 26 pasagjerë dhe gjashtë anëtarë ekuipazhi.
