Ideja e atyre që përkrahin mbylljen e Televizionit Publik bazohet në faktin seky television është kthyer në një kompani të fryrë artificialisht, jo efiçente dhe padrejtësisht dominante përkundrejt mediave të tjera private.
Por votuesit zvicerianë i thanë JO propozimit për të hequr taksën prej 480 eurosh që paguan çdo familje në këtë vend. Në referendumin për televizionin publik në Zvicër, qytetarët vendosën të mbajnë televizionin publik zvicerian SBC që ofron programacion në 4 gjuhë, gjermanisht, frëngjisht, italiasht dhe në dialektin romantsch, në 7 kanale televizive dhe 17 radio.
Edhe në Shqipëri çdo familje paguan një taksë të veçantë për TVSH-në. Taksa paguhet bashkë me faturën e energjisë elektrike dhe buxheti për Televizionin Shqiptar shkon deri në 10 milion euro në vit.
Së fundmi TVSH kërkoi më shumë fonde, ndërsa mori edhe një kredi prej më shumë se 26 milion eurosh për financimin e kanaleve të reja dixhitale.
