Amnesty International ka arritur në përfundimin se presidenti i SHBA-ve, Donald Trump, bën veprime që shkelin të drejtat e njeriut në vendin e vet, por edhe jashtë.
Organizata e vuri Trump në të njëjtin grup me udhëheqësit e Egjiptit, Rusisë, Kinës, Filipineve dhe Venezuelës.
“Spektri i urrejtjes dhe i frikës tani duket i madh në çështjet botërore. Ne kemi pak qeveri që mbështesin të drejtat e njeriut në këto kohë shqetësuese”, tha Salil Shetty, drejtuesi i Amnesty International.
Në raport, mes tjerash, thuhet se politika e Trumpit, për t’iu ndaluar hyrjen në SHBA qytetarëve të disa shteteve me shumicë myslimane, ka qenë një “veprim transparent i urrejtjes”.
