600 miliard dollarë dëme në vit shkakton krimi kibernetik. Ky është përfundimi i arritur nga "McAfee", kompani e specializuar kundër sulmeve informatike.
“Dixhitalizimi ka transformuar pothuajse të gjitha aspektet e jetës sonë, veçanërisht nocionin e rrezikut dhe kriminalitetit, kështu që aktiviteti kriminal është më efikas, më pak i rrezikuar, më rentabël dhe më i lehtë se kurrë”, - shkruan Steve Grobman, ekspert i shoqërisë ”McAfee”.
Studimi tregon gjithashtu rëndësinë e gjeopolitikës.
“Rusia është lider në krimin kibernetik, në sajë të nivelit të hakerave dhe shkeljes së ligjeve perëndimore”, - theksoi zëvendëspresidenti i CSIS, James Leëis.
“Koreja e Veriut renditet e dyta duke përdorur kriptomaninë për të financuar regjimin e saj, por ne shohim sot një numër në rritje të qendrave të tjera të krimit kibernetik (…) si Brazili, India dhe Vietnami”, -shtoi ai.
Grabitja e pronës intelektuale ka përbërë rreth një të katërtën e kostos totale të krimit kibernetik në 2017, zbulon gjithashtu raporti, që thekson se vendet më aktive në piratimin informatik kanë specialistët e tyre.
