Gjashtë gazetarë u dënuan me burgim të përjetshëm në Turqi, pasi u akuzuan se ishin përfshirë në grushtin e dështuar të shtetit, në korrik të vitit 2016.
Lajmi është bërë i ditur nga mediat turke.
Raportohet se mes të dënuarve është edhe ish-kryeredaktori i gazetës Taraf, Ahmet Altan, vëllai i tij, gazetari dhe akademiku, Mehmet Altan, dhe gazetari i njohur, Nazli Ilicak.
Gazetarët janë akuzuar për lidhje me klerikun mysliman që jeton në Shtetet e Bashkuara, Fethullah Gulen, të cilin Turqia e fajëson për puçin e dështuar më 15 korrik, 2016.
Gulen i hedh poshtë akuzat. Të pandehurit janë akuzuar për veprimet e tyre kundër kushtetutës së Turqisë dhe anëtarësimit në një organizatë terroriste.
Ndërsa vëllezërit Altan janë akuzuar për dhënien e mesazheve koduese në një program televiziv, një ditë para tentimeve për grushtin e shtetit.
