Zv.Kryeministri i Australisë, Barnaby Joice është vënë në qendër të një skandali pas zbulimit të lidhjes së tij me këshilltaren për mediat, Vikki Campion. Historia e tyre ka zënë faqet e para të mediave vendase dhe të gjithë dënojnë veprimin e zyrtarit të lartë.
Vetë kryeministri Malcolm Turnbull tha se do të ndalojë çdo lloj lidhjeje të ministrave dhe anëtarë të stafit të tyre. Ai e dënoi mjaft ashpër zëvendësin e tij.
“Nuk ka një rregull të shkruar që të thotë se ministrat dhe anëtarët e stafit nuk mund të bëjnë seks, por kjo është logjike, sepse ministrat janë përgjegjës që vendi i punës të jetë një ambient me respekt” – tha kryeministri. Zv.kryeministri Joyce është i ndarë nga gruaja e tij. Ai kërkoi publikisht falje, por senati miratoi një mocion, duke i kërkuar dorëheqjen.
