FBI konfirmoi se ishte e informuar mbi rrezikun që paraqiste 19-vjeçari, Nicolas Cruz, i cili vrau 17 persona dhe plagosi disa të tjerë, ditën e djeshme në një gjimnaz në Florida.
Raportohet se Nicolas Cruz ka komentuar në një video në YouTube vitin e kaluar, duke thënë: "Do të jem qitës profesionist në shkollë".
Një nga personat që ka parë komentin e Cruz ka njoftuar autoritetet për këtë koment. Rel shkruan se edhe mësuesit kanë qenë të paralajmëruar për 19-vjeçarin, i cili nuk është lejuar të futet në ambientet e shkollës me çantë shpine.
Jim Gard, mësues matematike në këtë shkollë, është shprehur për mediat amerikane se 19-vjeçari ka pasur probleme vitin e kaluar, madje edhe ka kërcënuar studentët.
Zyrtarët e shkollës 'Stoneman Douglas', në Parkland të Floridës, nuk kanë treguar se pse është përjashtuar Cruz.
19-vjeçari u arrestua nga policia një orë pas sulmit.
