Presidenti francez, Emmanuel Macron i kërkoi sot homologut rus, Vladimir Putin, të bëjë gjithçka që regjimi sirian t’i japë fund degradimit të paqendrueshëm të situatës humanitare dhe shprehu shqetësimin e tij përballë përdorimit të mundshëm të armëve kimike me gazin klorin kundër civilëve.
“Presidenti francez, i cili zhvilloi një bisedë telefonike me presidentin rus, Putin për të përgatitur vizitën në Rusi në muajin maj shprehu shqetësimin e tij mbi informacionet që kanë të bëjnë me përdorimin e mundshëm të klorit kundër popullsisë civile në Siri gjatë këtyre javëve të fundit”, theksoi Elyse në një komunikatë.
