Edi Paloka ka "akuzuar" Blendi Fevziun se është ai që e shpëtoi Saimir Tahirin. Deputeti demokrat ka kujtuar intervistën që ish ministri dha në Opinion një ditë përpara se të diskutohej imuniteti për arrestimin e tij. Ai është shprehur se Saimir Tahiri ‘u shpëtua’ nga kryeministri Rama, pasi erdhi dhe qau në emisionin Opinion. Sipas Palokës, Rama e shpëtoi Tahirin pasi ai është i përfshirë vetë në çështjen Tahiri dhe dalja e ish ministrit në ‘Opinion’ e ka trembur atë.
“Rama kur e pa që qau këtu tha, imagjino çfarë do të bëjë ky kur të shkoj para prokurorëve. Nuk i dhimbset Saimiri, i dhimbset Ramës koka e vet. Ramën nuk e trembi kërcënimi i Tahirit s’ke parë gjë akoma, e trembi e qara e Saimirit këtu. Rama u tremb se mendoi se cfarë do bëntë Tahiri kur të shkonte në Prokurori. Nuk ka idiot që ta besoj që ajo që ndodhi me drogën, është krejt e Saimir Tahirit dhe Rama është i pafajshëm, nuk e beson njeri”, ka deklaruar Paloka
