Komuniteti kurd në Romë manifestoi kundër vizitës zyrtare të Presidentit turk, Rexhep Taip Erdogan në Itali.
Protesta e tyre u zhvillua në kështjellën "Sant'Angelo", jashtë zonës së blinduar nën masa tejet të forta sigurie.
“Erdogan Vrasës”, “Larg duart nga Kurdistani”, “Turqi =Erdogan = autostradë për terroristët”, bërtisnin në kor kurdët në protestë. Kësaj proteste iu bashkuan shumë akvitistë të organizatave joqeveritare italiane në mbrojtje të lirive e të drejtave njerëzore.
Një prej manifestuesve ka propozuar duke marrë me vete turmën për të vazhduar protestën në Vatikan, ku po zhvillohej dhe takimi i Erdogan me Papa Françeskun.
Për të ndaluar këtë iniciativë, ndërhynë forcat e rendit dhe në përleshje trup më trup të manifestuesve me policinë italiane, një prej manifestuesve u plagos lehtë.
