Famë dhe lek sa të duash, por pse nuk i heq nga fytyra shenjat e djegies Frenk Ribery? Sigurisht që nuk ka tifoz futbolli të mos e ketë shkuar në mendjen e tij këtë pyetje, por ylli francez e ka një përgjigje. Ai ka treguar se shenjën që ka në fytyrë ia ka lënë një aksident automobilistik dhe ky ishte fati i tij, ndaj nuk do i dilte kurrë kundër këtij fati. Për gazetën “AS” ai tregoi:
“Kjo shenjë më ka dhënë këtë karakter dhe këtë forcë që kam. Kur je fëmijë dhe ke një shenjë të tillë, nuk është diçka e bukur dhe e lehtë. Mënyra si njerëzit të shohin, të kritikojnë, të ofendojnë… Familja ime e ka vuajtur shumë këtë aspekt.
Njerëzit thoshin: “Shiko shenjën që ka në kokë, sa e shëmtuar… Më krijonte shumë bezdi, por nuk kam qarë kurrë, edhe pse kam vuajtur shumë. Nuk do të bëj kurrë ndërhyrje kirurgjikale për ta hequr këtë shenjë. Është pjesë e jetës sime”, – ka rrëfyer Riberi.
