Patrick Cutrone kërkon falje për golin me dorë ndaj Strakoshës në ndeshjen kundër Lazio të dielën në mbrëmje në San Siro. Parregullsia kaloi pa u vënë re fillimisht. As kundërshtarët dhe as VAR nuk e vunë re prekjen me dorë. Sulmuesi kuqezi ka shkruar në Instagram një ndjesë për të ulur polemikat pas ndeshjes.
“I ripashë imazhet e golit. Në një moment adrenaline dhe instinkti pata ndjesinë se e godita topin në mënyrë të rregullt. I imi nuk ishte një gjest i vullnetshëm. Më vjen keq që është vënë në diskutim ndershmëria ime” – shkruan Cutrone. Sipas medieve italiane çështja do të diskutohet në komisionin e disiplinës i cili nëse do të gjykojë se akti ka qenë i vullnetshëm mund ta dënojë lojtarin me 2 javë pezullim. ©LAPSI.al
https://www.youtube.com/watch?v=tF-vys9xs5U
