Presidenti amerikan, Donald Trump deklaroi sot se nëse palestinezët nuk arrijnë paqen me Izraelin, SHBA do t’i ndërpresë ndihmat.
Trump u shpreh se kërkon paeqn në Lindje të Mesme, pasi takoi kryeministrin izraelit, Benjamin Netanyahu në Formin Ekonomik Botëror në Davos të Zvicrës.
Palestinezët kanë shmangur vizitën e Pence në këtë rajon, pas vendimit të presidentit Trump për ta njohur Jerusalemin kryeqytet të Izraelit dhe për vendosjen e ambasadës amerikane në këtë qytet.
Statusi i Jerusalemit është çështja kyçe e konfliktit izraelito-palestinez.
“Ata nuk na respektuan një javë më parë, duke mos lejuar nënpresidentin tonë t’i vizitoj ata dhe ne japim qindra miliona dollarë në ndihmë dhe mbështetje, shifra që askush nuk i kupton, ato para janë në tavolinë dhe ato para nuk do t’iu shkojnë nëse ata nuk ulen dhe negociojnë paqen”, ka thënë Trump.
