Fondacioni “Stina e pestë” që financon Alexei Navalnin, liderin e opozitës ruse, po shkon drejt mbylljes, pas një vendimi gjykate që doli në përfundimin se ky fondacion ka shkelur ligjin.
Kjo goditje shihet nga analistët si përfundimtarja që po i jepet Navalnyt.
Gjykata e mori këtë vendim pasi miratoi kërkesën e Ministrisë ruse të Drejtësisë, që kishte kryer hetime lidhur me këtë fondacion.
Sipas agjencisë shtetërore të lajmeve, avokatët e fondacionit kanë deklaruar se do ta apelojnë vendimin. Sipas Alexei Navalny, ky vendim është i paligjshëm.
Sa herë që Navalny është përpjekur për të zyrtarizuar kandidaturën e tij për drejtimin e Kremlinit, ai ka përfunduar në pranga. Ai doli në skenë në vitin 2011, kur kërkoi votat e të rinjve rusë të zhgënjyer nga korrupsioni dhe ekonomia e rrënduar.
Sa u takon zgjedhjeve të ardhshme, Navalny ka bërë thirrje për bojkotin e tyre dhe ka organizuar një protestë mbarëkombëtare më 28 Janar.
