Papa Françesku i dënoi lajmet e rreme apo siç njihen “fake news”, pasi kundërshtarin e prezantojnë si armik. Sipas atit të shenjtë, ky fenomen mund të jetë edhe shkaku për nxitjen e konflikteve.
“Drama e dizinformimit dhe e diskreditimit të tjetrit, prezantimi i tij si armik, deri në një demonizim mund të nxisë konflikte. Lajmet e rreme zbulojnë praninë e qëndrimeve në të njëjtën kohë intolerante dhe tepër të ndjeshme, me rezultatin e vetëm që arroganca dhe urrejtja të përhapen” – u shpreh Papa Françesku në Ditën e Komunikimit Social, dedikuar “fake news”.
