Një ditë pas përurimit të dy kurseve të mësimit të gjuhës shqipe nga shoqata e emigrantëve shqiptarë në Hania të Kretës, një grup nxënësish dhe prindërish greke kërkuan ndalimin e menjëhershëm të çdo veprimtarie shqiptare në shkollë.
Megjithese përurimi u zhvillua në klimë mjaft pozitive, me flamujt e dy shteteve pranë njëri-tjetrit apo me femijët të cilët kënduan sa greqisht dhe shqip, disa persona kanë shpërndare foto nga aktiviteti duke keqinformuar banorët, nxënësit dhe prindërit e gjimnazit të parë “Eleftheriu Venizelu’ në Hania.
Sipas tyre në shkollë janë vendosur krahë njëri-tjetrit flamuri grek dhe ai shqiptar, gjë që ka provokuar zemërimin e banorëve. Nxënësit kanë bërë grevë para shkollës dhe mësimi rifilloi vetëm pasi u ndalua zhvillimi i orëve të gjuhës shqipe.
Teper te zhgënjyer nga ky reagim janë shprehur drejtori grek Stelios Zervakis dhe banore emigrante shqiptarë për reagimin e një pjese të komunitetit vendas. Në Greqi sot funksionojnë 16 kurse të mesimit plotesues të gjuhës shqipe, ndërsa vitet e kaluara numri i tyre shkonte në 20, ndersa Lidhja e Mesuesve Shqiptare ne Greqi numeron 80 anetare.
