"Topin e lamë tek Topi, këtu do të tregojmë lajme të vërteta në Real Story". Kështu e ka komentuar sot në mbrëmje në lajmet e Vizion Plus, fillimin e emisionit të tij në këtë ekran gazetari Sokol Balla. Ai tha se qëllimi i vazhdimit të sezonit të tij nuk do të jenë lajmet scoop që qëmtojnë portalet, por gjetja e pse-ve për problemet që shtrojnë qytetarët.
Burime të Top Channel bënë me dije se Balla u largua nga ky ekran si pasojë e presionit që ushtronin drejtuesit e TV-së për të ndryshuar linjën editoriale nga pro në kundër qeverisë. Ndërsa drejtuesit e Top Channel që kanë bërë një kthesë të papritur editoriale pretendojnë se Balla nuk i përgjigjej frymës së re kritike ndaj Ramës.
Premiera në Vizion Plus do të shërbejë në një farë mënyre edhe për të zgjidhur dilemën se kush kishte të drejtë.
©Lapsi.al
