Një operacion i gjerë i shtrirë në tre shtete ka bërë të mundur arrestimin e të paktën 11 shqiptarëve të dyshuar për përfshirjen në rrjetin e trafikimit të lëndëve narkotike. Banda e shpërndarjes së heroinës u shkatërrua më 16 janar.
Raportohet se shqiptarët e cilësuar si “mafiozë me reputacion” kishin shtrirë aktivitetin e tyre në Staten Island, Brooklyn dhe New Jersey.
Në këtë operacion morën pjesë agjentë të një task force të DEA-s, detektivë të NYPD (Departamenti i Policisë së New York City) dhe anëtarë të tjerë të agjencive federale dhe shtetërore. Ata mësohet se kryen disa arrestime dhe kontrolle në vendndodhje të ndryshme.
Po ashtu mediat amerikanë bëjnë me dije se një operacion i ngjashëm është duke vijuar ende.
