Policia Kufitare në Rinas ka arrestuar sot një të kërkuar ndërkombëtar për vrasje. Ai është Alfred Rrasa, 22 vjeç, nga Shkodra, që ishte kthyer si i deportuar nga autoritetet kroate.
Nisur nga dyshimet pas krahasimit të fotove me personin dhe shpjegimeve konfuze që jepte, rezultoi se ishte shtetasi Alfred Rrasa, ndërsa të dhënat në dokumentin e kalimit ishin të vëllait të tij.
22-vjeçari ishte shpallur në kërkim ndërkombëtar pasi Gjykata e Cuneos, ne Itali, me vendim të datës 7 gusht 2017, e ka shpallur ne kërkim ndërkombëtar për veprat penale “Vrasje, e vrasje e mbetur në tentativë” dhe “Mbajtja pa leje e armëve të zjarrit”.
Pritet që i riu të përballet me dënimin “Burgim i përjetshëm”.
