Të thyejë rekorde është një gjë e zakonshme për Lionel Messi, por këtë herë duket se argjentinasi i tejkaluar parashikimet. Për herë të parë ai bën diçka të jashtëzakonshme jashtë fushe. Për herë të parë në historinë e futbollit, sipas atyre që publikon “Football Leaks” një lojtar futbolli do të paguhet më shumë se 100 milionë euro për një sezon.
Shifrat e publikuara nga “Football Leaks” janë straosferike. Argjentinasi i Barcelonës do të përfitojë në një sezon 71 milionë euro (përfshirë këtu edhe të drejtat e imazhit), 63,5 milionë të tjerë janë derdhur në llogaritë e tij pas zgjatjes së kontratës deri në qershor të 2021. Në 4 vite Messi do të përfitojë 417,5 milionë euro. ©LAPSI.al
