Presidenti amerikan Donald Trump është shprehur se “nuk ka gjasa” që ai t’i përgjigjet kërkesës për t’u marrë në pyetje nga prokuori special, Robert Mueller, si pjesë e hetimit për bashkëpunimin mes Rusisë dhe drejtuesve të fushatës së Trump.
Gjatë një konference të përbashkët për shtyp me kryeministren e Norvegjisë, Erna Solberg, shefi i Shtëpisë së Bardhë tha se “do të shohim se ç’do të ndodhë”, referuar këtu nëse do të pranonte të merrej në pyetje nga ekipi i Mueller.
Ekipi i hetuesve të prokurorit special ka shprehur interesin për të biseduar me Trump, por pa dhënë asnjë detaj më shumë rreth kësaj çështjeje.
Avokatët e Trumpit kanë theksuar më herët se janë të vendosur të bashkëpunojnë për kërkesat e Mueller.
