Një atentat ka ndodhur sot në Fushë Arrëz. Policia thotë se gjatë paradites, 36-vjeçari Vladimir Topjana, duke drejtuar mjetin e tij tip “Landrover” me targë DR 1657 F, ka përplasur makinën tip “Ëolksëagen” të drejtuar nga Artan Gega, 26 vjeç, e më pas është larguar. Sipas hetimeve paraprake të policisë, qëllimi ka qenë vrasja e personave që gjendeshin në “Wolksëagen”: Artan Gega dhe xhaxhai i tij G. Gega, 61 vjeç, të cilët kanë pësuar lëndime.
Sipas deklarimeve të Artan Gegës para uniformave blu, Topjana më vonë i ka dalë përsëri para duke e kërcënuar me pistoletë dhe madje ka qëlluar në drejtim të tij, por nuk ka pasur të dëmtuar. Ndërkohë grupi hetimor nuk ka gjetur gëzhoja në vendngjarje.
Motivi lidhet me një konflikt të ndodhur më parë mes Artan Gegës dhe Vladimir Topjanës, të dy nga fshati Lumardhe, në Fushë Arrëz, ashtu si xhaxhi i 26-vjeçarit, që mbeti i lënduar nga përplasja e makinave.
