Dritan Gina duket se nuk do të lëshojë kaq shpejt postin e tij si kryeprokuror i rrethit të Elbasanit. Me anë të një deklarate publike, prokurori Dritan Gina njoftoi se nuk do ta lëshonte zyrën pasi e cilësonte sulm politik vendimin e Prokurores së Përgjithshme Arta Marku për ta shkarkuar.
Mësohet se Gina ka mbledhur stafin dhe u ka deklaruar se ai nuk e do ta lëshonte zyrën. Ai ka deklaruar se urdhër shkarkimi është i paligjshëm dhe nuk mund të bëhet pjesë e zbatimit të paligjshmërisë. Madje me tu njohur me urdhrin e Arta Markut paralajmëroi se do të bënte një kallëzim penal për paligjshmërinë e tij.
Po ashtu si bashkëshortja e tij Rovena Gashi, depozitoi një padi në Gjykatën Administrative për të shpallur të pavlefshëm urdhrin e Arta Markut për ta shkarkuar nga detyra. Së bashku me Ginën, kryeprokurorja ka vendosur të bëjë disa lëvizje në rrethe, duke shkarkuar kështu edhe drejtuesit e prokurorisë së Durrësit, Fierit e Kukësit.
