Duket se viti 2018, përpos ndryshimeve në politikë do të ketë edhe zhvillime të mëdha në fushën e medias. Kështu pas largimit të Sokol Ballës nga Top Channel he zëvendësimin e tij me Ylli Rakipin, vjen edhe largimi i Rudina Xhungës nga Vizion Plus. Xhunga, ishte autore dhe moderatore e emisionit “Dritare” në Vizion Plus, por do të largohet nga ky televizion ku punoi për mëse 2 vjet.
Nuk dihet nëse ardhja e Sokol Ballës në Vizion Plus ka ndikuar në largimin e saj, pasi ky televizion do të bëhej me 3 emisione politike, Dritare e Xhungës, Kapital e Furxhi dhe Real Stroy e Ballës. Ndërkohë vetë gazetarja ka preferuar të flasë në një kohë tjetër për arsyet e mbylljes së emisionit Dritare nga Vizion Plus.
