Ndërsa opozita përgatit protestën kundër zgjedhjes së kryeprokurores Arta Marku, në zyrën e kësaj të fundit vazhdojnë vizitat e ambasadorëve.
Vizitën e parë e bëri Donald Lu, i ndjekur nga ambasadorja e Gjermanisë disa ditë më parë.
Kur opozita ka nisur organizimin për protestën në Janar, në zyrën e Arta Markut hynë ambasadori i Austrisë Johan Satler dhe ambasadori i Suedisë Johan Ndisi.
Vizitat e ambasadorëve, përtej mesazheve për bashkëpunim në dosjet që shtrihen në të dy anët e kufirit, kanë qartësisht një mesazh politik në mbështetje të punës së Arta Markut dhe jo rastësisht po intensifikohen këto ditë.©Lapsi.al
