Mbledhja e Asamblesë Kombëtare të Partisë Socialiste nuk është vetëm një vend ku flitet vetëm për politika të mëdha orientuese për vetë partinë e pastaj qeverisjen, por me siguri është edhe një mundësi ku zgjidhen hallet personale. Sepse në një sallë të vetme i ke të gjithë bashkë; ministra, deputetë, kryebashkiakë dhe drejtues të tjerë të rëndësishëm.
Në fotot më poshtë duket deputeti Sadri Abazi, i cili pak para nisjes së mbledhjes ka ngjitur shkallët me kryebashkiakun Erion Veliaj. I ka shkuar më tej edhe në kafe, kur Veliaj ishte ulur me Gramoz Ruçin e Fatmir Xhafajn. Duket se vazhdimisht Abazi ka diçka për t’i thënë Veliajt. Ndërkohë në përfundim të Asamblesë, siç duket në foto, ai del nën shoqërinë e Arbi Maznikut, numrit dy në Bashkinë e Tiranës.
Mazniku konsiderohet si personi që ‘të bën punë’ në Bashkinë e Tiranës. Ndoshta Sadri Abazi s’e ka marrë miratimin e Veliajt dhe ka menduar t’i drejtohet Maznikut. Ose ose, Veliaj ia kë dhënë ‘OK’, ndërsa Mazniku duhet të operacionalizojë vendimin në favor të deputetit socialist. Të jetë vallë ndonjë leje e re ndërtimi, konçension apo tender? Çfarë halli ka Sadri Abazi?!
©LAPSI.al
