Një ngjarje e rëndë ka ndodhur orët e para të mëngjesit të sotëm, ku një i moshuar ka humbur jetën si pasojë e flakëve që shkrumbuan banesën e tij. Burime nga policia bënë të ditur se ngjarja ndodhi më datë 05.01.2018, rreth orës 06:30, ku në Sallën Operative ka ardhur një telefonatë se në një banesë në rrugën “Frosina Plaku”, ka rënë zjarr.
Menjëherë në vendngjarje kanë mbërritur shërbimet e Policisë dhe Zjarrfikëja, ku nga verifikimet paraprake rezulton se:
Në rrugën “Frosina Plaku”, ka marrë flakë rezistenca ngrohëse dhe si pasojë e tymit të shkaktuar është asfiksuar dhe ka gjetur vdekjen shtetasi S. N., 85 vjeç, i cili jetonte i vetëm.
Paraprakisht dyshohet se zjarri është shkaktuar nga rezistenca e ngrohjes, dhe nuk ka shenja dhune.
Grupi hetimor ndodhet në vendngjarje për veprimet e mëtejshme për përcaktimin e shkakut të rënies së zjarrit.
