Gjykata e Apelit për Krime të Rënda vendosi dje të lirojë Ores Sotën të arrestuar nga policia e Elbasanit, pasi në makinë ju gjetën 863.100 euro, dy patenta lundrimi të Saimir Tahirit dhe një patentë e gruas së këtij të fundit. Vendimi i Apelit u mbështetur tek një kërkesë e avokatëve mbrojtjes së Sotës, të cilët thanë se klienti i tyre vinte si garanci pasurore një shumë prej 50 milion lekë të vjetra, në këmbim të lirisë së tij.
Në vendimin e saj gjykata urdhëroi palën mbrojtëse për të paguar garancinë pasurore prej 50 milion lekë të vjetra në bankë në mënyrë që vendimi të bëhet i ekzekutueshëm. Ndërkohë prokuroria e Apelit paralajmëroi se pas njohjes me vendimin e argumentuar do të bëjë rekurs në Gjykatën e Lartë.
