Vetëm pak pasi gjykata e Apelit vendosi lirimin nga burgu te Orest Sotës kundrejt garancise pasurore prej 5 milione leke, reagon ashper Partia Demokratike.
Në një deklaratë për mediat nga selia blu, nënkryetari i PD-së, Edi Paloka e ka quajtur kete vendim, perpjekjen e radhes te kryeministrit Edi Rama per mbrojtjen e Tahirit. Sipas tij, ky eshte nje tjeter tregues per gjithe shqiptaret se asnje “peshk i madh” nuk ka për të dalë para drejtësisë.
“Lirimi nga arresti me burg i Orest Sotës, në makinën e të cilit u gjetën 863 mijë euro dhe, bashkë me paratë hedhura në sediljen e makinës, edhe patentat e Saimir Tahirit, është një fakt tjetër se Edi Rama kontrollon pika kyçe të sistemit të drejtësisë. Partia Demokratike e ka shprehur shqetësimin e saj që në 22 nëntor, kur paralajmëroi se Edi Rama po bënte gjithçka për të mbrojtur Saimir Tahirin dhe, nëpërmjet tij, edhe Orest Sotën. Ne e dimë se marrja nën kontroll e prokurorisë e bën të paprekshëm Saimir Tahirin, Orest Sotën dhe këdo që mund t’i trondisë Edi Ramës pushtetin e bazuar tek krimi, droga dhe blerja e votës. Me Edi Ramën kryeprokuror është e sigurt se nuk do të ketë asnjë peshk të madh në rrjetën e drejtësisë.” – u shpreh Paloka.
