Elisabetta Canalis është padyshim nga femrat e modës më të përfolura për lidhjet me futbollin. 39-vjeçarja nga Sardenja u bë mjaft e njohur për lidhjen e saj me ish-sulmuesin Bobo Vieri, prej të cilit ajo është etiketuar edhe si tifoze e Interit. Lidhja e tyre u komentua shumë, po aq sa dhe ndarja që erdhi shumë kohë më parë. Gjithsesi kjo lidhje ka lënë mbresë për modelen.
“Ka vetëm një nga ish-të dashurit e mi që më mbetet në kujtesë dhe ai është Bobo. Ishim shumë të rinj dhe kemi kaluar shumë kohë bashkë. Por kur një histori mbaron, nuk mund të mbash më raporte”, - u shpreh Cannalis.
