Kreu i grupit Parlamentar të Partisë Demokratike, Edi Paloka ka reaguar pas shoqërimit të aktivistes së PD-së, Fiqirije Nezaj në pikën kufitare të Morinës pasi rezultonte të ishte shpallur në kërkim me akuzën e kundërshtimit të policisë gjatë protestës së 18 dhjetorit.
Paloka akuzon policinë për veprime selektive e të kundërligjshme, ndërsa shkon edhe më tej kur thotë se janë pikërisht ministri i Brendshëm Fatmir Xhafaj dhe kryeministri Edi Rama ata që kanë dhënë urdhra për ndalimin e protestuesve.
“Policia e Tahirit dhe Xhafes, policia e Rames eshte urdheruar nga ky i fundit te ndaloje ne menyre te kundraligjeshme, pikerisht netet e festave, qytetare qe protestuan perpara parlamentit me 18 dhjetor, ne mbrojtje te Kushtetutes. Policia e Rames, e interceptuar nga gjithe sherbimet partnere dhe e demaskuar nga institucionet dhe mediat nderkombetare si bashkepuntore e krimit sidomos ne prodhimin dhe trafikun e droges, u rreshtua perpara qytetareve diten e protestes qe ti jepte mundesine Rames dhe deputeteve te tij, te shkelnin Kushtetuten “te pashqetesuar”.
Eshte kjo polici qe sot kerkon te procedoj deputete te opozites dhe qytetaret qe u ngriten ne mbrojtje te Kushtetutes megjithese ligjin ate dite ishte pikerisht policia qe e shkeli ne menyre flagrante.” – shkruan ndër të tjera Paloka.
