Një 30-vjecari, me detyrë Drejtor i Shërbimit të Provës në Vlorë i kanë djegur makinën mëngjesin e sotëm rreth orës 01:35, teksa ajo ka qenë e parkuar.
Policia bën me dije se zjarrvënia ka qenë e qëllimshme dhe ka nisur hetimet për zbardhjen e ngjarjes.
Informacioni paraprak:
Më datë 31.12.2017, rreth orës 01:35, Salla Operative Vlorë është njoftuar se në lagjen ‘’Isa Boletini’’ ka marrë flakë duke qënë i parkuar automjeti tip ”Audi”, në pronësi të shtetasit T.K., 30 vjeç, (Drejtor i Shërbimit të Provës Vlorë).
Prej flakëve të zjarrit mjeti ka marrë dëmtime pjesërisht në pjesën e përparme.
Nga verifikimet paraprake dyshohet se zjarrëvënia në mjet të jetë e qëllimshme.
Grupi hetimor po punon për zbardhjen e plotë të rrethanave të ngjarjes dhe për identifikimin e kapjen e autorit/ve.
