Dy pika karburanti janë grabitur në orët e para të mëngjesit të sotëm në qytetin e Sarandës. Sipas policisë, dy persona të maskuar kanë shkruar pranë dy pikave të karburantit në lagjen Numër 1 të qytetit, dhe nën kërcënimin e armëve kanë grabitur xhiron ditore.
"Nga verifikimet ka rezultuar se rreth orës 06:00 dhe 06:30, pranë dy pikave të karburantit kanë shkuar dy shtetas ende të paidentifikuar të pajisur me maska e nën kërcënimin e armës së zjarrit u kanë vjedhur shumën e lekëve të xhiros ditore prej 16.000 lekë të reja në total" njofton policia.
