Të dy njëkohësisht edhe Ilir Meta Edi Rama kanë komentuar për herë të parë në publik ngjarjet e dhunshme në Parlament gjatë seancës kur u zgjodh kryeprokurorja e re dhe sidomos gjuajtjen me çizme të Monika Kryemadhit. Pothuajse në të njëjtat minuta që Rama po fliste për këtë çështje në Top Story, presidenti është pyetur në ‘Opinion’ për gjestin e bashkëshortes së tij, e cila qëlloi me çizme kryeministrin Edi Rama, si dhe nëse e ka diskutuar këtë episod me Monika Kryemadhin. Meta ka dashur ti shmanget sa më shumë kësaj patateje të nxehtë: “Janë ngjarje të papranueshmë në tërësinë e tyre. Nënvizojë rëndësinë e dialogut. Sigurisht edhe ajo është e papranueshme, mos prisni të them që ishte biblike. Por Monika ka bërë zgjedhjen e saj dhe mban vetë përgjegjësi përpara ligjeve, rregullores së Kuvendit dhe opinionit publik”, u shpreh Presidenti Meta.
Ndërsa Edi Rama ka dashur të ndalet gjatë në këtë temë duke zgjedhur të tallet me zonjën Kryemadhi. "Ilir Meta është politikan, kurse Monika thjeshtë gruaja e tij që ka bërë zgjedhjen e saj" ka thënë ai. Ai e ka parodizuar shpesh aktin e goditjes me çizme duke lënë të kuptohet se shqiptarët janë në gjendje të gjykojnë vetë. I vetmi moment kur ai e ka përdorur politikisht atë, duke kthyer refrenin e vjetër se familja Meta i friksohet reformës në drejtësi, ka qenë në batutën: "Ata që e votuan me çizme në fyt reformën në drejtësi, tani po gjuajnë me çizme ndaj saj"
©LAPSI.al
