Në intervistën e dhënë për “Top Story” këtë të enjte, kryeministri Edi Rama u tregua i bindur se pavarësisht skandaleve qeveria e tij nuk e ka humbur besimin te publiku dhe te shqiptarët. Rama tha se në Partinë Socialiste janë bërë dhe bëhen vazhdimisht sondazhe dhe ato e nxjerrin sërish fituese këtë forcë.
“Ka një gjë që nuk blihet dot. Ato janë anketimet dhe sondazhet. Nuk e blen dot opinionin publik. Ne kemi folur dhe bashkë. Anketimet në PS na tregonin se çfarë duhet të bënim.
Nëse votohet këtë të diel në Shqipëri, Partia Socialiste merr 78 deputetë. Kjo del nga anketimi i muajit nëntor. Që ne bëjmë sondazhe e di edhe Lulëzimi se dhe ata bëjnë sondazhet e tyre. Këtë e di edhe Ilir Meta sepse edhe ai bënte sondazhet e tij” – tha Rama. Kujtojmë që në zgjedhjet e 25 qershorit PS mori 74 deputetë. ©LAPSI.al
