Një i vdekur dhe tre të plagosur ka qenë bilanci i një aksidenti tragjik që ka ndodhur në Itali, mes tyre dy shqiptarë. Ngjarja e rëndë ndodhi dje rreth orës 17:30 në Forli.
Në aksident u përfshinë dy automjete, një ku udhëtonte viktima, Giuseppina Antonietta Magnogna, 77 vjeçe dhe burri i saj, i cili mbeti i plagosur, ndërsa është përplasur me një ‘Volvo Station Wagon 70’, ku udhëtonin dy shqiptarë.
Në vendin e ngjarjes mbërritën 3 ambulanca si dhe policia e zjarrfikësja. Gruaja humbi jetën në vend, ndërkohë që të plagosurit u transportuan në spital.
