Zgjedhje e kryeprokurorit të përkohshëm nga mazhoranca ka nisur edhe aksionin opozitar. Ditët e fundvitit nuk do të jenë pushim për Kryetarin e Partisë Demokratike Lulzim Basha. Fillimi i javës së ardhshme do të shënojë nisjen e një turi takimesh të Lulzim Bashës në disa bashki të vendit. Ky tur takimesh është konceptuar si bashkëbisedim me qytetarët për krizën ekonomike, politike dhe kushtetuese ku ndodhet Shqipëria.
Po ashtu në këto takime me qytetaret do të bëhet edhe në funksion të protestave të paralajmëruara nga opozita. Lulzim Basha konfirmoi dy ditë më parë se po shqyrtohen tre opsione të marrëdhënies së opozitës me parlamentin, me avatazhet dhe disavantazhet e tyre. Opsioni i parë është për një marrëdhënie të kushtëzuar me Parlamentin. Opsioni i dytë është për bojkot pa afat Opsioni i tretë është ai i invalidimit të mandateve.
