Kryetarja e LSI-së Monika Kryemadhi ka zbardhur një pjesë nga biseda që pati me ambasadorin e SHBA-ve Donald Lu paraditen e së mërkurës. Në një prononcim për “Top Story” ajo tha se situata aktuale ishte në fokus të bisedës.
“E kishim lënë për të hënën, por e shtymë takimin për të mërkurën. Takimi kishte në thelb vizitën time në SHBA. E falënderova atë për ndihmesën që dha për të realizuar vizitën e një delegacioni të LSI në SHBA. Diskutuam edhe për situatën politike aktuale në vend.
SHBA-të janë të interesuara për të vijuar reformën në drejtësi. Ngritja e KLP-së, zgjedhja e SPAK-ut dhe Byrosë Kombëtare të Hetimit janë pikat më të rëndësishme për SHBA-të dhe ato nuk tërhiqen nga kjo.
I thashë ambasadorit se LSI e mbështet reformën. Edhe rrogat tona jemi të gatshme të ofrojmë për të marrë ekspertë shtesë për të bërë Vetting-un” – tha Kryemadhi. ©LAPSI.al
