Ish kryeministri Sali Berisha tregoi pse ndodhi konfrontimi me gardistët në sallën e kuvendit në momentin kur u nis të flasë drejt foltores. Sipas tij urdhri për gardistët erdhi direkt nga Rama, pasi Ruçi i kishte dhënë të drejtën e fjalës.
“U nisa drejt platformës për të thënë 3 min fjalë të miat, Edi Rama urdhëroi mercenarët, shefin e rojeve të gardës dhe bëri një pritë që s’ka ndodh kurrë në historinë e parlamentit. Pasi kryetari jep fjalën, një cub, një fundërrinë urdhëroi rojet që të dalin para. Ruçi nuk e bëri, e bëri Rama. Ruçi më dha fjalën. Kjo do të thotë që kjo opozitë në këtë parlament, e dhunuar në shkallë ekstreme i lind e drejta me këtë që bëri sot Rama me emërimin si prokuror i përgjithshëm, i lind e drejta të marrë çdo vendim të rrëzojë narko-shtetin e Ramës. Kurrë opozitën nuk vjen në pushtet nëse nuk e sjellin ato gra dhe burra që erdhën nga qytetet këtu. Në parlament mund të ketë vetëm një gjuhë, djegien solemne të mandateve. Ska ndodh kurrë që deputetit t’i bëhet pritë në parlament” u shpreh Berisha.
