Lëvizja Socialiste për Integrim do të protestojë të hënën bashkë me Partinë Demokratike. Duket se qëllimi është i përbashkët, të mos lejojnë zgjedhjen e një prej kandidatëve për Kryeprokuror të Përkohshëm që të hënën do të kalojnë në Kuvend. Me anë të një statusi në Facebook, kryetarja e LSI-së, Monika Kryemadhi sqaron arsyet pse LSI-ja do të dalë të hënën në protestë. Ajo nuk i kurseu as akuzat e drejtpërdrejta për kryeministrin, Edi Rama.
“Në këtë vend nuk ka më drejtësi! Edi Rama vendosi duart e tij të përgjakura me krim, edhe tek i vetmi institucion që nuk e kishte nën kontroll. Kapja e prokurorise nga krimi dhe banditët e pushtetit shënon fundin e shtetit dhe demokracisë. Kurrë më parë pushtetet nuk kanë qenë në duart e një njeriu të vetëm, të një pushteti bandit që drejtohet nga kryetrafikanti i drogës, shefi i drejtpërdrejtë i Saimir Tahirit dhe policëve të inkriminuar, që me përpjekjen e fundit po dëshmon frikën për t’i shpëtuar drejtësisë. Të protestojmë për të larguar banditët nga pushteti. Revolta e protestës qytetare është arma që mund të rrëzojë nga karriget banditët e veshur me pushtet.” – shkruan Kryemadhi.
