Ditën e sotme ish-ministri Tahiri do të paraqitet në Gjykatën e Krimeve të Rënda. Pritet që ish-ministri i Brendshëm të mbërrijë te Krimet e Rënda rreth orës 09:30, i shoqëruar nga avokati i tij Maks Haxhia.
Dy ditë më parë gjykata i bllokoi Tahirit pasaportën dhe kartën e identitetit, duke i hequr atij mundësinë për të dalë jashtë vendit. Bllokimi i pasaportës së Tahirit erdhi pasi Prokuroria për Krimet e Rënda i dorëzoi gjykatës disa përgjime të reja të ardhura nga prokuroria e Katania njohur ndryshe si dosja prej 1600 faqe me hetimet nga grupit i Moisi Habilajt.
Në 9 dhjetor Gjykata e Krimeve vendosi të pranojë kërkesën e prokurorisë për të caktuar masë shtrënguese ndaj Tahirit. “Detyrim paraqitje një herë në javë” dhe bllokim i pasaportës me qëllim ndalimin e daljes jashtë territorit, janë dy masat e vendosura ndaj ish-ministrit.
