Një rrjet prostitucioni është zbuluan në qytetin e Durrësit nga policia. Kanë qenë Specialistët për Hetimin e Trafiqeve në Drejtorinë Vendore të Policisë Durrës në bashkëpunim me Prokurorinë e Rrethit Gjyqësor Durrës, ata që pas një hetimi rreth 2-mujor kanë bërë të mundur dokumentimin ligjor të një rrjeti të shfrytëzimit të femrave për prostitucion.
Pas finalizimit të operaciont të koduar “Rent” u arrestuan në flagrancë shtetaset:
- Shpresa Pisha 47 vjeçe, banuese në Durrës;
- Y. R. 40 vjeçe, banuese në Durrës.
Gjithashtu filloi procedimi penal në gjendje të lirë në ngarkim të shtetasit:
- G.A. 44 vjeç, banues në Shijak.
Shpresa Pisha, ishte në rolin e organizatores dhe ndërmjetëses e cila kishte marrë me qira një lokal në qytetin e Durrësit. Ajo ndërmjetësonte me klientët që frekuentonin lokalin e saj duke siguruar lidhjen e tyre më pas me shtetasen Y. R.
Në vijim Shpresa Pisha vinte në dispozicion ambjentet e banesës së saj në Plazh, Durrës për ushtrimin e këtij aktiviteti kriminal kundrejt një shume 5 000 lekë(të reja).
Vijojnë hetimet për zbulimin e autorëve të tjerë të implikuar në këtë veprimtari kriminale.
