Duke quajtur Izraelin ‘shtet terrori’ dhe vendimin e SHBA për të njohur Jeruzalemin kryeqytet të Izraelit të ‘pavlefshëm’, Presidenti turk Erdogan i bëri thirrje udhëheqësve të kombeve myslimane t’a njohin Jeruzalemin si ‘kryeqytetin e pushtuar të shtetit të Palestinës’.
Këtë deklaratë, Rexhep Taip Erdogan e bëri gjatë mbledhjes së Organizatës për Bashkëpunimin Islamik.
Udhëheqësi palestinez Mahmud Abbas deklaroi nga ana tjetër se SHBA-ja skualifikoi vetën që të luante rol në procesin e paqes mes izraelitasve dhe palestinezëve.
"Ne nuk do të pranojmë që Shtetet e Bashkuara të nërhyjnë në procesin e paqes, Amerika ka dëshmuar paragjykimin e saj të plotë në favor të Izraelit", u shpreh Mahmud Abbas. LAPSI.AL
