Përpara ndeshjes Juventus-Inter, Gigi Buffon është “përgjuar” duke folur me Piero Ausilio, drejtorin sportiv të klubit zikaltër. Pamjet janë transmetuar nga Premium Sport duke përfituar edhe nga gafa e portierit të kampionëve të Italisë që e mbante dorën në anën tjetër.
Duke përkthyer lëvizjen e buzëve gazetarët italianë kanë zbuluar disa batuta të Buffon që thotë se ndihet ende i rëndësishëm te skuadra e tij. “Ndihem ende i rëndësishëm. Ndoshta e shtyj edhe një vit pensionin, por kjo mbetet në dorën e klubit” – mësohet të ketë thënë portieri italian. ©LAPSI.al
