Peshëngritësja shqiptare, Romela Bega zhvilloi një paraqitje historike në Botërorin që po zhvillohet në SHBA, duke u shpallur kampione bote. 31-vjeçarja u rendit e para në stilin e shkëputjes, ndërsa në dygarësh zuri vendin e dytë.
Romela Bega në provën e parë në stilin e shkëputjes ngriti 103 kg, më pas shtoi 2 kg në shtangën e saj, duke e realizuar me sukses provën e dytë, ndërsa në të tretën provoi 107 kg, për të siguruar medaljen e artë, me 1 kg më shumë se rivalja kolumbiane.
Më të njëjtin strategji nisi provën e saj edhe në dygarësh. Edhe pse fillimisht kishte deklaruar 130 kg, në tentativën e parë e uli në 125 kg, duke e realizuar me sukses. Në provën e dytë Begaj bëri mrekullinë duke ngritur 128 kg, por u pa qartë se problemi fizik që shfaqi në fund të provës së parë ishte rënduar. Tentoi 131 kg në provën përmbyllëse, por nuk ia doli.
Për fitoren e peshëngritëses shqiptare reaguan edhe Edi Rama dhe Presidenti Ilir Meta.
