Në seancën e sotme parlamentare kreu i grupit parlamentar të PS, Taulant Balla shpalli vendimin e partisë së tij për të kërkuar hapjen e çështjes penale për Lulzim Bashën. Shkak për këtë u bë një investigim i BIRN që vërtetonte se PD ka paguar afto 1 milionë USD për lobing në ShBA pa i deklaruar ato pranë autoriteteve shqiptare dhe pranë KQZ siç e kërkon ligji për financimin e partive në zgjedhje. Ball aka bërë të habiturin për mosrreagimin e prokurorisë për këtë aferë dhe ka thënë se nëse organi i hetimit qëndron pasiv deri të hënën, kjo do të jetë dita kur socialistët do të kërkojnë vetë hapjen e hetimit kundër tij.
Menjëherë pas Ballës që e akuzojë se kompanitë e regjistruara në parajsat fiskale kanë bërë pagesa në favor të PD-së, Lulzim Basha u kundërpërgjigj duke thënë: “Mo sprit deri të hënën, bëje që sot kallzimin. Financimi i PD është i pastër si drita e diellit. Drejtojuni edhe FBI po të doni, që të hetojë”.
Por përshtypje në këtë replikë bëri fakti se migjithëse u mor personalisht me Ballën, megjithëse e konsideroi këtë “scoop” si një tentativë për të hequr vëmendjen nga skandali Tahiri, Basha nuk dha përgjigje për faktet dhe dokumentat e servirura nga BIRN (shiko shkrimin poshtë). Ai ende nuk ka dhënë asnjë shpjegim se ku i ka gjetur partia e tij qindra mijra USD për shkrime në shtypin e përtej Atlantikut, takime me zyrtarë të lartë të administratës Trump dhe foton parazgjedhore me presidentin e ShBA.
©Lapsi.al
