Suksesi i aktivitetit shkencor të IMCA 3, nën këndvështrimin e Prof. Dr. Lutfi ALIA. Profesori i shquar i mjekësisë shqiptare, që ushtron profesionine tij prej vitesh në Itali, ekspert në Shëndetin Publik i ka dedikuar një dossier realizimit dhe suksesit të aktivitetit më të përfolur në zhvillimet e fushës së mjekësisë në Shqipëri Kongresit Mjekësor Multidisiplinar 3, organizuar nga Spitali Amerikan.
Shërbimi shëndetësor publik dhe ai privat, krahas impenjimeve për parandalimin, diagnostikimin dhe kurimin e sëmundjeve, i janë përkushtuar studimeve shkencore, duke kontribuar në rritjen e nivelit profesional të personelit mjekësor, ashtu si dhe në parandalimin, diagnostikimin e hershëm, mjekimin dhe përmirësimin e cilësisë së jetës të sëmurëve.
Sipas Prof. Dr. Lutfi Alia, ndër institucionet shëndetësore në avanguard në kujdesin mjekesor dhe ne veprimtari shkencore, është Spitali Amerikan i Tiranës. Në politikat e zhvillimit të Spitalit Amerikan, krahas aktiviteteve mbështetëse të shëndetesisë publike, vend me rëndësi ka dhe veprimtaria kërkimore-shkencor e konkretizuar me rritjen e nivelit profesional të personelit mjek – infermjere dhe në perfeksionimin e cilësisë të shërbimeve mjekësore në mbrojtjen dhe shërimin e jetës të sëmurëve në Shqipëri dhe Kosovë.
Pas dy kongreseve të suksesëshme të viteve 2015 dhe 2016, me 16 – 18 nëntor 2017, Spitali Amerikan, organizoi Kongresin e 3° të Mjekësisë, aktivitet shkencor multidisplinor i fokusuar ne inovacionet në mjekësi, si faktor me rëndësi në rritjen e nivelit organizativ dhe të kujdesit shëndetësor e mjekësor, për të sëmurët që trajtohen në sistemin e shtatë institucioneve mjekësore të Spitalit Amerikan.
Roli i mjekut eshte i rendesishem ne diagnozen dhe kurimin e te semurit, por suksesi i punes se tij varet nga aktiviteti profesional i infermjereve. Keto vlera e dimensione te profesionit infermjeror, shtrojne si detyre, qe infermjeri te vihet ne vendin dhe ne funksionin qe i takon, jo vetem ne sherbimin shendetesor, por gjeresisht ne shoqeri.
Kush pati fatin t’i ndiqte referimet e infermjereve në këto dy forume, sigurisht do të entusiazmohej me aktivitetin profesional që kryejnë dhe me nivelin shkencor të punes, të prezantuar me elegance dhe me modesti në këto dy aktivitete shkencore. Nën lupën e një mjeku profesionist dhe me dhjetra vite eksperiencë në fushën e mjekësisë cilësohet si një privilegj dedikimi dhe mbi të gjitha vlerësimi me notat më të larta të një aktiviteti, i pari në llojin e vet dhe me këto përmasa në fushën e mjekësisë në vend.
