Lionel Messi ka marrë sot çmimin “Këpuca e Artë” si golashënuesi më i mirë europian, i katërti në karrierën e tij, duke u barazuar kështu me rekordin e rivalit të përhershëm, Cristiano Ronaldo, i cili kishte më së shumti “Këpucë të Arta”.
Ylli i Barcelonës e mori këtë çmim për 37 golat që shënoi në sezonin 2016/17 në La Liga. Më parë Messi e kishte fituar këtë çmim edhe në vitet 2010, 2012 dhe 2013.
Ndërkohë, Ronaldo, po ashtu katër herë fitues i këtij çmimi, e ka fituar atë në vitet 2008, 2011, 2014 dhe 2015.
Vitin që lamë pas, Ronaldo shënoi vetëm 25 gola, duke mos u futur as në top pesë golashënuesit më të mirë.
Një vit më parë, ky çmim i takoi Luis Suarezit.
