Ka nga ato që ndihen keq por dhe që e shohin avantazh; të kesh gjoks të vogël mund të përcaktojë dhe gardërobën tënde. Pa pasur dëshirën t’i hyni ndërhyrjeve estetike për të rritur numrin, ka mjaft mënyra për ti dhënë vlerë formave natyrale, duke zgjedhur veshjet e duhura. Por mos harroni, femrat me gjoks të vogël mund të veshin mjaft rroba që një femër më e bëshme nuk mundet.
Recipetat
Zgjidhni modelin e përshtatshëm për ti dhënë vlerë formave, dhe këtë duhet të keni parasysh. Ideale janë push up, që ngre gjoksin dhe e “mbush” në mënyrë natyrale. Si alternativë është dhe recipeta në formë trekëndëshi, sigurisht me mbushje, ndërkohë që duhet të shmangni formën ‘ballkon’.
Efekti optik
Veshjet me fantazi apo me punime dore mbushin figurën dhe theksojnë format.
Dekolte e thellë
Ndryshe nga sa ndodh tek femrat me forma, një formë e tillë dekolteje nuk ju tregon vulgare. Vetëm nëse pjesa e kraharorit të mos jetë si skelet.
Crop Top
Edhe pse vishen më shumë gjatë verës, tashmë janë element dhe i gardërobës dimërore. Është mënyra ideale për të shmangur vëmendjen nga gjoksi, duke u fokusuar tek beli dhe barku. Sigurisht duhet të keni një bark të sheshtë dhe të tonifikuar.
Minifundi
Fundi i shkurtër vendos në plan të parë këmbët dhe vëmendja fokusohet në pjesën e poshtme të trupit. Këtë vit ai vishet me çizmet cuissard, ndoshta të kuqe.
Beli i lartë
Është një tjetër trend i stinës, qoftë për pantallonat qoftë për fundet. Një truk i vogël viziv që ndihmon në mbushjen e bustit dhe toraksit, përfshi gjoksin.
Çfarë duhet të shmangni
Dhe diçka e ndaluar: më mirë hiqni dorë nga bluzat dhe veshjet me jakë si zemër, pasi duhet mbushur në mënyrën e duhur, dhe veshjet oversize, ku toraksi rrezikon “të zhduket”.
