Gjykata Kushtetuese Spanjolle anuloi sot shpalljen e njëanshme të pavarësisë së Katalonjës, të miratuar më 27 tetor nga parlamenti rajonal katalanas.
“Deklarata e pavarësisë më 27 tetor u shpall i pavlefshëm dhe jokushtetues” - deklaroi zëdhënësja e Gjykatës Kushtetuese në përfundim të seancës ku magjistratët e Gjykatës morën këtë vendim.
Parlamenti i Katalonjës miratoi më 27 tetor një rezolutë duke deklaruar se rajoni bëhet një shtet i pavarur, duke marrë formën e një Republike, para këndimit të himnit indipendentist, në mungesë të opozitës.
Gjykata Kushtetuese Spanjolle shpalli joligjor edhe referendumin e 1 tetorit, ku 92% e katalanasve votuan pro shpalljes së pavarësisë. Si joligjor, forcat special spanjolle ndërhynë dhunshëm për ndalimin e referendumit. Mbi 800 persona mbetën të plagosur atë ditë në Katalonjë. ©LAPSI.AL
